मेरो प्रेम अनुभूतिलाई पनि जुईनोले बाँधेको छ : बिनिता बराल (अन्तर्वार्ता र फोटो फिचर)

‘कथा’ र ‘अशोक’को लभ पर्नपर्न खोजेको क्षणले सवैलाई तान्छ

July 18, 2016
juino

अमेरिकाको हर्जिङ यूनिभसिटीमा एमबिए (एग्रो बिजनेस) अध्ययन गर्दै गरेकी बिनिता बरालको उपन्यास भर्खरै सार्वजनिक भएको छ । उनलाई अभिनेत्री र कृषक भनेर चिनिन्थ्यो । अब, उनको अर्को परिचय थपिएको छ ‘उपन्यासकार’ । अभिनेत्री र कृषक भएर उनले धेरै गफ गरिन् होला, अब उपन्यासकारको रुपमा बिनिता बराललाई पत्रकार मनोज श्रेष्ठले कुरा गर्ने प्रयास गरेका छन् ।

 

जुईनो टाईटल कसरी रोज्नुभयो ?
कृष्ण अविरल दाईले मेरो पाण्डुलिपि पढीसकेपछि सजेस्ट गर्नुभएको थियो । मलाई पनि ठिकै लाग्यो । र, फाइनल नाम यही रहन गयो ।

यसको अर्थ के हो ?
जुईनो भन्नाले एक प्रकारको डोरी हो । गाउँघरमा घास काटेपछि त्यसलाई बाध्न प्रयोग गर्ने गरिन्छ । यो कुनै एकै प्रजातिको मात्रै डोरी नहुन पनि सक्छ ।

भनेपछि डोरी नै भनौ न, होइन ?

हो, भन्दा हुन्छ ।

उपन्यास सार्वजनिक भएको एक साता हुन लाग्यो, पाठकको मायाले बिनिता बराललाई बाध्ला ?

अँ, मलाई पाठकले बाधेर राख्नु हुन्छ भन्ने लागेको छ । अबको दश, पन्ध्र दिनभित्रमा एक किसिमको सिनारियो थाहाँ हुन्छ ।

binita baral juino

 

जुईनो आईसकेपछिको अनुभब ?
दायित्व बढेको अनुभूति भएको छ । यो मेरो कृति मात्रै होइन, सानैदेखिको सपना पनि हो । म धेरै पुस्तकहरु पढ्छु । र, मलाई पुस्तक लेख्ने तिब्र इच्छा थियो, त्यो पनि पुरा भएको छ । यसमा म धेरै खुसी छु ।

उपन्यास सार्वजनिक भएपछि दर्शकको प्रतिक्रिया कस्तो छ ?
रिभ्यू राम्रै छ । बुद्धि सागर लगायत राम्रा लेखकले पनि कमेन्ट राम्रो गर्नु भएको छ ।

उपन्यास प्रकाशकको भनाई कस्तो पाउनुभयो ?
चार, पाँच दिन मात्रै हुदैछ । त्यै पनि उहाँहरु खुसी नै हुनुहुन्छ । अन्य पुस्तकको तुलनामा जुईनो पनि राम्रै छ ।

binita baral
चलचित्रपछि कृषक बन्नुभयो, अब लेखक, यी तीनवटै क्षेत्र लगभग अलग छन्, कसरी म्यानेज गर्ने बिचार छ ?
अबको केहि बर्ष पढाईलाई नै प्राथामिकता दिन्छु । त्यसपछि कृषि पेशा पार्टनशीपमा छ । सिस्टमले चलिरहेको छ । बाँकी चलचित्र र पुस्तक लेख्ने काम तत्काललाई हुदैन । तर, पढाई सकेपछि मिलिहाल्छ नि ।

चलचित्र र लेखक दुवै बिद्याको अनुभबले के बताउछ ?
चलचित्र प्रदर्शन हुनासाथ प्रतिक्रिया तुरुन्तै आउछ । तर, पुस्तक भनेको कृति हो । यसको प्रतिक्रिया तुरुन्तै पनि आउछ । तर, पछिसम्म पनि आईरहन सक्छ ।

जुईनोको सार भन्न मिल्छ ?
कृषिको पृष्टभूमिमा बाधिएको प्रेम कथा नै हो । हुन त वैदेशिक रोजगर, जातभातदेखि लिएर धेरथोर सबैकुरालाई समेटेको छ ।

भनेपछि ‘समाजको दर्पण’ भने हुन्छ ?
हुन्छ । सामाजमा हामीले जे भोग्ने हो, ति कुराहरु जुईनोमा पाउनु हुन्छ ।
तपाईले चाहेको मितिमा प्रकाशन हुन सकेन, कमजोडी जसको भएपनि धेर्यता गर्न कत्तिको सजिलो हुदो रहेछ ?
धैर्यताको त कुनै नगर्नुस । भनेको मिति पनि सर्यो । एक महिनाकोलागि नेपाल आएको, दुई महिना बस्नु पर्यो ।

पहिलो पटक कति छाप्नुभयो ?
दश हजार ।

लगभग यो बर्षमा तपाईले ८० प्रतिशत जुईनोबारे फेसबुक र ट्वीटरमा स्टाटस हाल्नुभयो होला, हैन ?
ट्वीटर फ्लोअर्स धेरै राम्रो छ । फेसबुक पनि उत्तिकै राम्रो छ । ८० प्रतिशत कै हाराहारीमा लेखियो होला । तर, प्रतिक्षाको फल मिठो हुदो रहेछ ।

अग्रेजी संस्करण पनि निकाल्ने सोच छ कि ?
लोकप्रिय भएमा अवश्य निस्केला अग्रेजी संस्करण ।

सुनेअनुसार पुस्तकको मुख्य क्यारेक्टर कथा राख्नुमा पछि आफ्नै आफ्नो छोरीको नाम पनि त्यही राख्ने रे, होइन ?
छोरी भन्दा पहिले जुईनो आयो । छोरी पहिले आएको भए अवश्य पनि छोरीको नाम कथा हुन्थ्यो ।

पात्रहरु काल्पनिक हुन कि, रियल क्यारेक्टरलाई पनि मिसाउनु भएको छ ?
मेरो जीवनको प्रतिविन्ब नै उपन्यासको पात्रहरु हुन । मैले पनि जीवनमा प्रेम गरेको छु । खेति, किसानी गरेको छु । यस्ता यस्ता थुप्रै अनुभूति र अनुभब पनि मेरो छायाको रुपमा पात्रहरुको भूमिका छ ।

जुईनो आफ्नै प्रेम कथा त होइन ?
मेरो प्रेम अनुभव अवश्य छ । तर, समग्र भने होइन । प्रेम हुन लाग्दाको त्यो मिठासलाई धेरै पाठकले मन पराई दिनुभएको छ । र, उपन्यास पनि यहि सेरोफेरोमा दौडिएको छ ।

कथाका मुख्य पात्र कथा र अशोकको प्रेम कथामाथि उपन्यास घुमेको छ, क्यारे ?
कथा र अशोकको प्रेम हुन लागेको अवस्था, तड्पिदाको पलका समयहरुबारे रोचक कुरा र अनुभब तपाईलाई पनि मन पर्नुपर्छ । किसानी युवती कथाले कृषि पेशालाई गरेको न्यायले यो देशका किसानलाई पनि छुनपर्छ ।

यो उपन्यासबाट चलचित्र बन्छ ?
आफै कलाकार भएपछि कताकता त्यस्तो सोच पनि नआएको होइन । चलचित्र बनोस भन्ने चाहना त मेरो पुस्तक लेख्दादेखि कै हो ।

जुईनो पढेपछि पाठकले के सिक्छन ?
पहिलो कुरा त प्रेम नै मोटिभेसन हो । सम्बन्ध सम्हाल्न, कृषिमा आउने प्रेरणा मिल्छ ।

आफुले लेखेको भाषा र पछि प्रकाशित भईसकेको भाषामा केहि फरक आएको छ ?
भाषामा पाँच प्रतिशत पनि काटिएको छैन । घमण्डकासाँथ भन्न सक्छु यो कुरा । यस्ता अलिअलि सम्पादन त नयनराज, बुद्धिसागर जीको पुस्तकमा पनि हुन्छ ।

binita

Follow me on Social Media: